Við kynnum Afrótímana vinsælu.  nn sem fyrr eru það kennarar úr Afróskóla Sigrúnar Grendal sem sjá um afróstuðið í Baðhúsinu.

Þessir tímar eru fyrir KK konur og kosta ekkert aukalega.

Næring fyrir líkama og sál

Við erum með tíma á mánudögum og miðvikudögum kl.19:30 – 20:30. 

Frábærir tímar með lifandi trommutónlist og reynslumiklum kennurum. Alvöru afró, fullt af orku og gleði. 

Munið að afró er fyrir síunga á öllum aldri og öllum þyngdarflokkum. 

Afró er fyrir þig!

Kennarar: Sigrún Grendal - dans, Baba Bangoura - dans, Agnes Guðmundsdóttir - dans og Cheick Bangoura - trommur

Um kennarana:
Kennararnir hafa allir mikla reynslu á sínu sviði. Sigrún er með fyrstu afródönsurunum hér á landi og hefur numið afródans um árabil hjá virtustu danskennurum í Gíneu. Agnes hefur einnig dvalið langdvölum í Gíneu og numið afródans og trommuleik. Saman hafa þær mæðgur staðið fyrir ýmsum námskeiðum og uppákomum bæði innan lands sem utan. Baba er með eftirsóttustu danskennurum í Gíneu Hann var aðal stjórnandi þekkts og margverðlaunaðs dansflokks í Gíneu, Sourakhata. Cheick kemur einnig frá Gíneu og er frábær trommuleikari.
Hann hefur búið hér á landi um árabil og hefur barið bumburnar víða.

 Afródansinn sem kenndur er í Baðhúsinu kemur frá Gíneu í Vestur-Afríku.
Dansinn er kraftmikill og um leið seiðandi og ótrúlega spennandi.
Lifandi trommusláttur er í hverjum tíma.  Eftir upphitun er kenndur  dans.
Farið er ýtarlega í hvert spor þannig að allir geta náð dansinum sem kenndur er.
Tímarnir eru fyrir KK konur og taka því mið að því að þar eru bæði byrjendur og lengra komnir.
Það er ólýsanleg tilfinning að dansa undir dúndrandi trommuslætti
frábærra trommuleikara og láta bara vaða.

Rúsínan í pylsuendanum er  sú að afródansinn kennir okkur konum að meta kvenleika okkar
og þora að sýna það.

Í Afríku eru jú flottustu dansararnir með mjúkar línur á réttum stöðum
og eru ófeimnar að sýna það.

Sjáumst í næsta afrótíma.

Þú sérð ekki eftir því.

Sigrún Grendal, afrókennari.